Американскиот претседател Доналд Трамп изјави дека ги прекинува сите трговски разговори на САД со Канада откако владата на најнаселената канадска покраина Онтарио емитуваше реклама во која американскиот претседател Роналд Реган зборува негативно за царините.
Соопштението на Трамп дојде откако Претседателската фондација и институтот „Роналд Реган“ објавија дека реклама на владата на Онтарио го искривила претседателското радио обраќање што Реган го одржал во април 1987 година и дека неговите изјави биле изменети без дозвола.
Фондацијата не прецизираше што било погрешно, но ги охрабри луѓето да слушаат немонтирано видео од говорот на Реган на нивниот YouTube канал.
„Фондацијата Роналд Реган штотуку објави дека Канада измамнички користела реклама, која е лажна, во која Роналд Реган негативно зборува за царините. Рекламата вредеше 75.000.000 долари. Тие го направија ова само за да се мешаат во одлуката на Врховниот суд на САД и другите судови. Царините се многу важни за националната безбедност и економијата на САД. Врз основа на нивното скандалозно однесување, сите трговски преговори со Канада се прекинуваат. Ви благодарам за вниманието кон ова прашање“, напиша Трамп на својата социјална мрежа Truth Social.
Премиерот на Онтарио, Даг Форд, на 14 октомври објави дека покраината ќе потроши 75 милиони долари за реклами што ќе се емитуваат во САД во кои ќе се критикуваат царините на Реган. „И ќе ја повториме таа порака до секој републикански округ низ целата земја“, рече Форд, кој се нарече себеси „голем обожавател на Роналд Реган“.
Форд ја сподели рекламата на 16 октомври на X.
It’s official: Ontario’s new advertising campaign in the U.S. has launched.
Using every tool we have, we’ll never stop making the case against American tariffs on Canada. The way to prosperity is by working together.
Watch our new ad. pic.twitter.com/SgIVC1cqMJ
— Doug Ford (@fordnation) October 16, 2025
