Во нашата кампања, ниту еден кандидат не користел говор на омраза, туку зборувал за патишта, училишта, водовод, економски развој, за реалните проблеми на луѓето, тврдат од ВЛЕН, откако од Левица обвинија дека кандидатот за градоначалник на Општина Брвеница од оваа коалиција, Хаќим Рамадани, дава изјави што предизвикуваат етнички тензии и шират национал-шовинизам.
Настапот на Рамадани го оцени како грешка и лидерот на ВМРО-ДПМНЕ Христијан Мицкоски посочлувајќи дека таков себичен пристап немал досега никој во Македонија и дека тоа ќе се одрази на шансите на другите кандидати на ВЛЕН. Сепак, од ВЛЕН пораката ја Мицкоски за заобиколија.
„Со потсмев го гледаме обидот на Левица, партија позната по говор на омраза, анти-НАТО ставови и ултранационалистичка реторика, да држи лекции за соживот и толеранција. Иронијата е очигледна, токму тие што ја трујат јавноста со поделби и политички примитивизам, денес зборуваат за шовинизам“,се вели во реакцијата на ВЛЕН.
Според коалицијата, вистинската иронија е што Демократската унија за интеграција (ДУИ), преку својот нов коалиционен партнер – Левица, избра да се фати за партија анти-НАТО, доживувајќи ја како последна сламка за политички спас.
„Таа комбинација на очај и лицемерие веќе доби одговор на 19 октомври, кога граѓаните со јасна порака им ја покажаа вратата и на едните и на другите“,пишува во соопштението од коалицијата.
Посочија дека секој обид да се стави ВЛЕН на исто рамниште со екстремистички партии е смешен уште од самиот почеток.
„Наместо да бараат внимание со лажен морализам, во Левица нека најдат храброст да побараат извинување за годините ширење омраза и поделби што им оставија трајни лузни на ова општество“, велат оттаму.
Инаку, кандидатот за градоначалник од редовите на „Вреди“, Хаким Рамадани, повика Брвеница да биде „албанска општина“ што предизвика реакција кај Македонците особено што ВМРО-ДПМНЕ обезбеди поддршка за ВЛЕН во неколку градови и не истакна свои.
Рамадани беше и во Хамбург, Германија, каде заедно со својот противкандидат од ДУИ, Енвер Пајазити побараа гласови за Албанците да победеле на локалните избори во Македонија. Рамадани потврди притоа дека соработува со ДУИ со цел да се победи кандидатот на ВМРО-ДПМНЕ и актуелен градоначалник Јовица Илиевски. Како што вели, „треба да се знае кој е газда на својата земја“ и дека општините како Кичево, Брвеница, Тетово и секаде каде се мнозинство Албанците, мора да ги води Албанец.
