Се продава еден од последните автомобили што ги возел Шумахер.
Еден од најуспешните автомобили на Ферари, а воедно и еден од последните автомобили што ги возел легендарниот Михаел Шумахер, ќе се најде на аукција на RM Sotheby’s.
Болидот се користеше во 2006 година, односно во последната сезона на Шумахер во тимот на Ферари. Станува збор за болидот Ферари 248 Ф1, петти од вкупно осум произведени болиди за таа година. Што се однесува до трките, тој дебитираше на четвртата трка во сезоната, која се одржа во Имола, а Шумахер ја зазеде пол-позицијата во квалификациите, а потоа победи. Тоа беше негов прв триумф во 2006 година.
На следната трка на Нирбургринг, Шумахер се квалификуваше како втор, но паметната стратегија во боксот му овозможи да ја освои победата. Потоа возејќи го овој автомобил беше втор во Шпанија, Велика Британија и Канада, додека во САД оствари пол-позиција и уште една победа. Тој славеше и во Франција, а болидот беше пензиониран по трката во Унгарија.
Последен пат Мајкл го возеше на прославата на Ферари на финалето на Мондијал на крајот од сезоната во Монца, пренесува Index.hr.
RM Sotheby’s наведува дека овој автомобил бил купен од Ферари од приватен колекционер во декември 2007 година и останал во истата колекција до денес. Има сертификат Ferrari Classiche и е користен на неколку приватни тестови на патеката Фиорано.
Беше изложен и во музејот за автомобили Петерсен во Лос Анџелес во 2017 година, како дел од изложбата „Гледање црвено: 70 години Ферари“.
Се проценува дека новиот купувач ќе треба да издвои повеќе од 10 милиони евра за Ferrari 248 F1.
