Денеска, на 2 јануари, се празнува „Свети Игнат“, ден кој во народното верување има посебно значење. Се смета дека од овој ден започнува да се зголемува денот, а со него и новата животна енергија.
Според народните преданија, она што ќе го правите или што ќе ви се случува утре, ќе ве следи во текот на целата година. Затоа се верува дека каков ќе биде денот на 2 јануари – таква ќе биде и целата година.
Во народот постои и верување дека првиот човек кој ќе влезе во домот носи среќа или несреќа. Ако тоа е млад и ведар човек, се смета дека носи бериќет и радост, а доколку прв влезе старец или старица – се верувало дека годината нема да биде поволна.
Затоа, обидете се да направите нешто убаво. Бидете внимателни, избегнувајте кавги и нервози и не правете го она што не би сакале да ви се случува во текот на годината. Отворете ги вратите на домот, насмевнете се, опуштете се и наполнете го денот со позитивна енергија.
Пред спиење, убаво е да прочитате неколку страници од добра книга – за, како што велат старите, „умно да тргне годината“. Не ги заборавајте блиските, кажете им колку ви значат и исполнете го денот со мир, љубов и благодарност.
Нека 2 јануари ви биде убав почеток на една спокојна и среќна година
