Американскиот претседател Доналд Трамп прогласи национална вонредна состојба во САД поради „заканите што доаѓаат од Куба“. Трамп верува дека политиките, практиките и дејствијата на кубанската влада претставуваат „необична и вонредна закана“ што потекнува целосно или во голема мера надвор од Соединетите Американски Држави. Оваа закана е за националната безбедност и надворешната политика на Соединетите Американски Држави.
Според Трамп, кубанската влада наводно презела вонредни дејствија што им штетат и им се закануваат на САД. Ова вклучува одржување врски со бројни „непријателски земји, транснационални терористички групи и малигни актери што се спротивставуваат на Соединетите Американски Држави“, вклучувајќи ги Русија, Кина, Иран, Хамас и Хезболах.
Во одлуката на Трамп се тврди дека Куба отворено им обезбедува безбедно засолниште на опасните противници на САД, поканувајќи ги да сместат софистицирани воени и разузнавачки објекти на нејзина територија што директно ја загрозуваат националната безбедност на САД.
Едно од главните тврдења е дека Куба е домаќин на најголемиот електронски разузнавачки објект на Русија, кој „се обидува да украде класифицирани информации што претставуваат национална закана заСАД“. Куба продолжува да развива длабока разузнавачка и одбранбена соработка со Кина.
Во одлуката се вели и дека кубанските власти „ги прогонуваат верниците, ја попречуваат слободата на здружување на организациите на граѓанското општество, ја забрануваат слободата на печатот и ги лишуваат луѓето од можноста слободно да ги изразуваат своите мислења, вклучително и преку интернет“.
