Полицијата презема мерки за расчистување на случајот на улицата „Апостол Гусларот“, каде беа откриени канистар за гориво и траги од оган во дворот на Еврејската заедница и синагогата во Скопје. Инцидентот бил пријавен во 07:22 часот, по што е извршен увид на местото на настанот.
Додека МВР работи на документирање на случајот, Еврејската заедница апелира за доследна примена на законите и обединета осуда од јавноста и институциите против ваквите акти на насилство врз верски објекти. Случајот го коментираше и амбасадорката Аисен, која побара одговорните да бидат соодветно казнети.
