Тренерот на Арсенал, Микел Артета, им се обрати на навивачите по дуелот со Барнли одигран синоќа на домашен терен во 37. коло од англиската Премиер лига. „Топчиите победија со 1:0 и се на еден чекор до шампионскиот трофеј.
– Апсолутно е задоволство да се гледа трансформацијата и придонесот на секој од вас во претворањето на ова место во најубавата арена за уживање и играње на нашиот фудбал. Вие, навивачите, сте душата на овој фудбалски клуб и секој од вас игра улога во тоа. Затоа, погрижете се секој пат кога ќе влезете на овој стадион, да ја разберете вашата одговорност да ги одржувате овие стандарди, бидејќи тоа ни значи сè нам и на сите играчи. Сакам да ви се заблагодарам на сите и се надевам дека наскоро ќе се видиме на „Селхерст Парк“ и, секако, во Будимпешта, изјави Артета.
Арсенал (82 бода од 37 натпревари) е на чело на табелата во Премиер лигата пред последното коло од сезоната 2025/26. Манчестер Сити (77 бода од 36 натпревари) е втор.
До крајот на сезоната Арсенал ќе се соочи со Кристал Палас во Премиер лигата и со ПСЖ во финалето на Лигата на шампионите
