Американскиот милијардер Илон Маск рече дека украинскиот претседател Володимир Зеленски има „неверојатна смисла за хумор“.
Ова тој го кажа по изјавата на украинскиот лидер дека новоизбраниот американски претседател Доналд Трамп нема да може да ја натера Украина да седне на преговарачка маса со Москва.
Претходно, во интервју за украинските медиуми, Зеленски избегна да одговори на прашањето дали Трамп барал Киев да седне на преговарачка маса со Москва, истакнувајќи дека реториката „седи и слушај“ не функционира и дека Украина е независна земја.
„Тој има неверојатна смисла за хумор“, напиша Маск на платформата Икс со објавувањето на дел од интервјуто на Зеленски.
