Вчера во Скопје повторно имаше насилничко однесување и малтретирање животни. Човек со стап пред очевидци и со над 20 удари по главата, безмилосно претепа бездомно куче.

А1он дојде до снимката кога кучето влегло во складиште во Момин Поток, а еден од присутните во дворот, за кој се претпоставува дека е сопственикот зема стап и безмилосно удира по кучето.

Според сознанија на А1он, еден од присутните го пријавил настанот во полиција. Од МВР потврдија дека сторителот е приведен и задржан во полициска станица.

Вознемирувачката снимка можете да ја погледнтете ТУКА.

Кучето по ваквата агресија и малтретирање било однесено во ветеринарна станица и сè уште е незивесно дали ќе преживее, со оглед на тоа што повредите на главата се сериозни.

Анима Мунди: Куче над 20 пати ѕверски удирано по глава од вработен во фирма во Момин Поток

„Страотен облик на суровост и изживување врз мирно бездомно животно во фирма во Момин Поток – куче над 20 пати зверски удирано по глава од вработен! Во друштво на четири полнолетни лица, мажи, мирно бездомно куче е удирано со дебело дрво, најкрвнички и со сета сила, без било кој да интервенира додека кучето урлика од болка и не можејќи да избега или се спаси; случај кој ќе останеше невиден доколку не беше евидентиран на камерите за видео надзор“, велат од Анима Мунди.

„Со какви психопати сме опкружени, доколку од 5 лица, ниту еден во ова ѕверство не препознава екстремна суровост, инстинктивно не се обидува да интервенира и го сопре?

Како и во секоја нормална држава бараме итно процесирање на кривична постапка и најстрога, тригодишна казна затвор за сторителот.

Три години затвор без исклучок зошто ваква омраза и суровост може да направи само девијантно и крајно опасно, садистичко битие, психопат без контрола и без грам емпатија кон послабите.

Колку за илустрација, во Англија би бил осуден на петгодишна затворска казна, а во Грција за вакво мачење се предвидува и до 10 години затвор и глоби до 15 000 евра.