Полицијата соопшти дека во 23.01 часот добила дојава дека во станбена зграда во Книн се случила експлозија на неидентификувана експлозивна направа, при што едно лице загинало, додека четири лица се повредени и итно пренесени во болница. На местото на настанот се испратени сите служби за итна помош, објави Индекс.
Како што соопшти полицијата, експлозијата се случила на забава на која присуствувале млади луѓе. Загина 25-годишен маж, а тешко се повредени двајца млади на возраст од 25 и 23 години, една девојка на 21 година и еден малолетник. 21-годишната девојка е пренесена во болница во Сплит и се бори за живот.
Експлодирала рачна граната М-75.
„Слушнавме експлозија, како да одекна петарда.
„Само што прочитав што се случи утрово. Не знам кој е. Звучеше како некој да фрли петарда малку подалеку“, додаде тој.
Друг додаде дека спиел и потоа ја слушнал експлозијата. „Не ги отворивме прозорците затоа што беше студено, не ни знаевме што се случило“.
Како што дознава Индекс, убиен е М.П. (25), додека ранети се С.Б. (16), В.Б. (21), Б.Ч. (25) и Б.П. (23).
На социјалните мрежи се појави скриншот од објава на едно од лицата кои наводно биле присутни на забавата во моментот на експлозијата. На фотографијата се гледа маса на која има алкохолни пијалоци и рачна граната, со опис: „Селото ќе вечера во темница“.
