Шерон Стоун, покрај уште неколку костими од филмот „Основен инстинкт“, го задржа легендарниот секси фустан од сцената со скрстени нозе.
Шерон Стоун еднаш откри дека костимографката Елен Мироџник ја однела и ѝ рекла: „Можете да изберете што сакате за вашиот лик“.
Меѓу другото, таа се одлучила за краток бел фустан за кој ниту актерката ниту костимографката не мислеле дека ќе привлече големо внимание.
Сепак, фустанот стана една од главните асоцијации на филмот, а и денес сите се сеќаваат на сцената во која убавата Шерон пали цигара и ги прекрстува нозете.
И покрај тоа што беше главната актерка во филмот од 1992 година, Стоун откри дека била екстремно недоволно платена во споредба со нејзините машки колеги. Затоа и дошла на идеја да ја надополни ваквата дискриминација.
„Во договорот ставив дека можам да ја задржам облеката. Луѓето мислеа дека сум луда, но вистината е дека не бев многу платена во споредба со мојот машки колега. Јас заработив 500.000 долари, а Мајкл 14 милиони долари. Така што да ги задржам моите костими беше навистина паметна работа“, објаснила Стоун за „InStyle“.
