Мисисипи, најсиромашната држава во Соединетите Американски Држави, е на работ да ја престигне Германија, најголемата европска економија мерена според БДП по глава на жител. Ова се наведува во најновиот извештај на „Јуроњ бизнис“ кој ја споредува економската сила на американската сојузна држава со европските земји.
БДП по глава на жител на најсиромашната американска држава е повисок од оној на петте најголеми европски економии, освен Германија. Но, Мисисипи брзо се приближува кон Германија.
Податоците покажуваат дека БДП по глава на жител на Мисисипи заостанува зад германскиот за 1.524 евра. Во 2024 година, Германија беше трета по големина економија во светот, со 24,3 отсто од вкупниот БДП на Европската унија.
БДП по глава на жител на Мисисипи е значително повисок од БДП на преостанатите четири водечки европски економии, надминувајќи ја Шпанија за 16.710 евра, Италија за 12.553 евра, Франција за 5.415 евра и Велика Британија за 1.339 евра.
Втората најсиромашна американска држава, Западна Вирџинија, имаше значително поголем БДП по глава на жител од сите пет европски земји, надминувајќи ја Германија за 5.270 евра.
