Македонскиот тенисер Калин Ивановски претрпе елиминација на стартот од квалификациите на Челинџер 125 турнирот во финската престолнина Хелсинки, откако денеска загуби од искусниот тенисер од Чешка, Јиржи Весели со 2-0 во сетови (6-4, 7-6).
Дуелот траеше 1 час и 35 минути.
Во мечот имаше само еден брејк и го направи Весели во првиот сет, а Ивановски имаше 10 ас сервиси наспроти шест на противникот, но македонскиот тенисер имаше шест двојни сервис грешки, наспроти две на противникот.
Турнирот во Хелсинки се игра за награден фонд од 148.625 евра на тврда подлога во сала.
