Претседателот на Австрија, Александар фон дер Белен, и додели мандат за формирање Влада на антиимигрантската проруска Партија на слободата (ФПО), и со тоа овозможи крајната десница да ја води Владата првпат после Втората светска војна.
По средбата со лидерот Херберт Кикл, претседелот кажа дека ФПО може да почне разговори со конзервативната народна партија за формирање коалиција.
„Одлуката не беше лесна, но ќе продолжам да се грижам да се почитуваат принципите и правилата на Уставот“, рече Фон дер Белен.
ФПО беше победник на парламентарните избори во септември, но не доби шанса да формира влада, затоа што останатите партии одбија да соработуваат со нив.
