Интер со гол на Чалханоглу од пенал го победи Арсенал со 1-0, Барселона со 5-2 ја совлада Црвена звезда во Белград, Атлетико Мадрид со 2-1 победи на гостувањето кај ПСЖ.
Барселона и даде пет гола на Црвена звезда на Маракана, но српскиот шампион може да биде задоволен со двата погодоци што ги постигна. Каталонците се сепак пресилен тим.
Левандовски даде два гола, по еднаш погодија Мартинез, Рафиња и Лопез. Стрелци за Црвена звезда беа Силас и Милсон.
ПСЖ поведе против Атлетико Мадрид со гол на Заире Емери, но шпанскиот тим ги сврте работите во своја полза.
Во првото полувреме Молина го изедначи резултатот, а во 93. минута Кореа даде гол за победа на Атлетико.
Баерн Минхен со гол на Мусиала со минимални 1-0 ја совлада Бенфика. Аталанта со голови на Лукман и Заниоло славеше гостинска победа кај Штутгарт од 2-0.
Брест со 2-1 ја победи Спарта во Прага, а гостински триумф забележа и Салцбург кој го совлада Феенорд со 3-1.
