Маскирани разбојници упаднале во просторот на замокот Виндзор додека принцот и принцезата од Велс и нивните деца спиеле во нивниот дом.
Двајца маскирани лица, наводно, користеле украден камион за да ја пробијат безбедносната ограда и да украдат пик-ап и квад од штала на фармата Шо, објави Си-Ен-Ен.
На пет минути пешачење од таму, Вилијам, Кејт и нивните деца мирно спиеле, не знаејќи што се случува.
Уништената порта е најблискиот влез во колибата Аделаида, која често ја користи кралското семејство при пристигнување и напуштање на имотот.
Иако стражарите неодамна биле отстранети од јавните влезови на замокот Виндзор, полицајците редовно патролираат и проверуваат сè.
Неименуван извор близок до истрагата изјавил дека маскираните крадци сигурно го посматрале Виндзор некое време.
„Во замокот има аларм, но упадот бил откриен дури кога ја пробиле безбедносната ограда. Понеделникот бил работен ден, па децата биле во кревет. Кралот Чарлс бил во Шкотска, а кралицата Камила во Индија.“, изјави неименуван извор изјави за Сан.
Портпаролот на полицијата рече дека добиле пријава за кражба во Краун Естејт во близина на А308 во Виндзор околу 23.45 часот во неделата.
„Криминалците влегле во шталата и побегнале со црн пикап „Исузу“ и црвен квад. Во оваа фаза од истрагата никој не е уапсен и истрагата е во тек“, соопшти полицијата.
Да потсетиме дека Вилијам, Кејт и децата се преселија во замокот Виндзор во летото 2022 година. Тие побараа да се вселат во резиденција која не бара дополнителни инвестиции. Спротивно на тоа, принцот Хари и Меган Маркл потрошиле 2,6 милиони фунти за реновирање на нивната резиденција.
