Парче од мобилниот телофон на киднапираната Вања Ѓорчевска било пронајдено во возилото на Панче Жежовски, откри на денешното рочиште поранешениот началник на СВР Велес, Ристе Самарџиев, кој работеше на пронаоѓањето на велешанецот.
Откако Жежовски бил пријавен за исчезнат велешката полиција прегледувала многу снимки, од патарини, граници, објекти, а потоа ги побарале и снимките од „Сејф сити“, но откако колегите од Скопје ги известиле дека возилото „цитроен“ на Жежовски е пронајдено опожарено, сфатиле дека е ликвидиран.
