Почина Чарлс Долан, бизнисменот кој го создаде HBO во раните 1970-ти пред да ја претвори малата кабелска компанија на Лонг Ајленд во империја за забава, спорт и телекомуникации вредна повеќе милијарди долари. Имаше 98 години.
Семејството на Долан изјави за Newsday, весникот што го поседуваат, дека тој починал од природна смрт, опкружен со најблиски. „Запаметен и како пионер во телевизиската индустрија и како посветен семеен човек, неговото наследство ќе живее“, рекоа тие во саботата, како што објави „Холивуд репортер“.
Магнатот роден во Кливленд започна со кабелска компанија во Менхетен, каде што неговата компанија, Стерлинг Менхетен Кејбл, ги доби правата за поврзување на долниот округ за кабловска телевизија од страна на градот Њујорк во 1965 година.
Иако своето богатство го заработи со ТВ и интернет услуги, времето кога го лансираше HBO продолжи да се држи до него. Додека градеше нов бизнис, Долан дојде до идеја да понуди ексклузивно програмирање по пат на кабелска телевизија, за да се обиде да ги придобие претплатниците.
Долан зад себе остава шест деца, меѓу кои Џејмс Долан (и неговата сопруга, извршната директорка на AMC Networks Кристин Долан) и Патрик Долан, кој го води американскиот весник Newsday. Неговиот брат, Лери Долан, е главен сопственик на бејзбол клубот Кливленд Гардијанс. Неговата сопруга почина во август 2023 година на 96-годишна возраст.
