Годишната стапка на инфлација во Германија, според прелиминарната проценка, се зголеми од ноемвриските 2,2 на 2,6 отсто во декември, објави вчера германската Федерална статистичка служба
Растот на инфлацијата во Германија, кој сега е највисок во последните 11 месеци, ги надмина очекувањата на експертите кои очекуваа дека ќе скокне на 2,4 отсто.
Цените на услугите се зголемени за 4,1 отсто на годишно ниво, а на храната за два отсто, и во двата случаи со побрзо темпо од ноември.
Наспроти тоа, цените на енергенсите паднаа за 1,7 отсто на годишно ниво, со значително побавно темпо од ноември, кога на годишно ниво паднаа за 3,7 отсто, пренесува Танјуг.
На месечно ниво цените во Германија се зголемени за 0,4 отсто во однос на ноември.
Годишната стапка на базичната инфлација во Германија, исто така, порасна од три отсто во ноември на 3,1 отсто во декември, според веб-страницата Дестатис.
Според очекувањата, просечната стапка на инфлација во Германија за цела 2024 година ќе изнесува 2,2 отсто.
