Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Со фотографија направена со „Гугл мапс“ решено убиство во Шпанија
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > СВЕТ > Со фотографија направена со „Гугл мапс“ решено убиство во Шпанија
СВЕТ

Со фотографија направена со „Гугл мапс“ решено убиство во Шпанија

Објавено December 18, 2024 15:40
Сподели
Сподели

Шпанската провинција Сорија, во регионот Кастиља и Леон, е потресена од откривањето на распарченото тело на Кубанец кој исчезна пред повеќе од една година, пишува кубанскиот медиум „Цибер Куба“. Според извештаите, шпанската полиција уапсила двајца осомничени за злосторството; сопругата на жртвата, која исто така има кубанско потекло, и нејзиниот љубовник, сосед од Сорија познат како Ел Лобо де Тахуеко.

Истрагата, која траела со месеци и вклучувала анализа на технолошки докази, завршила со откривање на останките на гробиштата во Андалуз, мало село со едвај дваесет жители.

Настаните датираат од ноември 2023 година, кога братот на исчезнатиот Кубанец, кој исто така живее во Шпанија, пријавил во шпанската полиција дека изгубил секаков контакт со него.

Исчезнатиот 33-годишен Кубанец отпатувал од Куба до регионот Берланга де Дуеро во Сорија за да ја најде својата сопруга, која веќе живеела во Шпанија.

Последната информација што ја имал братот се пораки, во кои 33-годишникот тврдел дека се сретнал со жената и планирал да се ослободи од неговиот телефон. Необичната природа на пораките и подоцна исчезнувањето без трага, пишува медиумот, предизвикаа тревога.

Овој извештај покрена сложена истрага која траеше повеќе од една година, при што полицијата се фокусираше на најблискиот круг на луѓе на жртвата. Во овој период беа извршени претреси на различни локации во Сорија, претреси на куќи и ископувања во области блиску до резиденцијата на еден од осомничените.

Сепак, клучниот момент во случајот дојде кога беше забележана вознемирувачка глетка на „Google Maps Street View“.

Истрагата зазеде нова насока кога агентите ја открија фотографијата.

На фотографијата се гледа како маж става голема бела пластична кеса во багажникот на црвен автомобил, а обликот на кесата сугерира дека внатре има човечко тело. Ова откритие, заедно со претходните сомнежи, ја доведе шпанската полиција до маж познат како Ел Лобо де Тахуеко, сопственик на бар во градот Бајубас де Ариба, кој имал романтична врска со сопругата на жртвата.

Од тој момент, истражителите го прислушувале неговиот телефон, што открило вмешаност и на осомничениот и на сопругата на жртвата. Прислушуваните разговори беа клучни за нивното апсење на 12 ноември.

По неколкумесечна истрага, агентите ги пронајдоа распарчените останки на кубанскиот државјанин на 11 декември на романескните гробишта во Андалуз, мало село во регионот Берланга де Дуеро. Полицијата соопшти дека делови од телото биле пронајдени закопани во земја на гробиштата, вклучувајќи го и торзото, иако сè уште не се пронајдени сите екстремитети.

Телото е ексхумирано во присуство на судски вештаци, а посмртните останки се пренесени на анализа во Институтот за правна медицина во Сорија. Степенот на распаѓање на телото ја отежнал конечната идентификација, иако полицијата претпоставува дека се работи за исчезнато лице.

Според истражителите, убиството било резултат на љубовен триаголник. Според нив, по пристигнувањето во Шпанија, жртвата открила дека неговата сопруга е во врска со осомничениот. Ваквата ситуација наводно го испровоцирала убиството кое заеднички го планирале и извршиле двајцата осомничени.

И двајцата се во притвор под обвинение за убиство, а Истражниот суд во Сорија го прогласила случајот за таен до завршување на истрагата за да се разјаснат сите детали за настанот.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија И во 2025 година продолжуваме со инвестициите и вложувањето во одбраната, порача Мисајловски
Следна Статија Мицкоски- Калас: Потреба ЕУ да го забрза процесот- Македонија заслужува да оди напред во интеграциите

БИ МОЖЕЛО ДА ВЕ ИНТЕРЕСИРА

СВЕТ

Трамп: Мислам дека имам договор со Путин и со Зеленски за решавање на војната во Украина

Американскиот претседател Доналд Трамп изјави дека верува дека има мировен договор со Русија и со Украина. Претседателот посочи дека договорот…

April 24, 2025
СВЕТ

Трамп: Ако Камала биде избрана, Си Џинпинг ќе се однесува со неа „како со бебе“

Поранешниот американски претседател и републикански кандидат за нов претседател на САД, Доналд Трамп, синоќа изјави дека кинескиот претседател Си Џинпинг…

October 25, 2024
СВЕТ

Трамп планира да почне со масовна депортација на мигранти во Чикаго, пишува „Волстрит журнал“

Претседателската администрација на САД на Доналд Трамп планира да почне голема имиграциска депортација во Чикаго ден по неговото преземање на…

January 18, 2025
СВЕТ

Каква ракета е „Хаибар“ – со која Иран му се заканува на Израел и ќе го „шокира светот“?

По екслацијата на конфликтот со Израел, иранските власти вчера се заканија со лансирање на ракетата „Хаибар“, со драматично предупредување: „Светот…

June 14, 2025
Trending

Technology

  • Innovate
  • Gadget
  • PC hardware
  • Review
  • Software

Health

  • Medicine
  • Children
  • Coronavirus
  • Nutrition
  • Disease

Culture

  • Stars
  • Screen
  • Culture
  • Media
  • Videos

More

  • ХОРОСКОП
  • СВЕТ
  • ЗДРАВЈЕ
contact@trending.mk

© Trending.mk  |  All Rights Reserved.

Welcome Back!

Sign in to your account

Username or Email Address
Password

Lost your password?