Се интензивира истрагата за злоупотребите во Службата за општи и заеднички работи во време кога на чело бил поранешниот директор Пеце Мирчевски. Како што дознава „Република“ се прават претреси во неколку економски оператори меѓу кои познатите автосервиси „Авто клима Митрески“, „Дамбо“ „Ацо Коп“ и „Прогрес авто Тетово“.
Според нашите сознанија, економските оператори со кои биле склучени договори преку тендерски постапки, наместо нови резервни делови, вградувале стари и веќе употребувани компоненти, но на фактурите биле заведени како нови, а некои исти делови биле фактурирани и повеќе пати.
Извршени се претреси на 16 локации за да се проверат индиции за злоупотреба и договарање меѓу фирмите и вработените од Одделот за општи и заеднички работи на МВР.
