Во земјава во октомври годинава се евидентирани 107 672 туристи, од кои 25.8 % се домашни, а 74.2 % се странски, објави Државниот завод за статистика.
Бројот на ноќевањата во октомври изнесувал 211 611, од кои 32.5 % се од домашните, а 67.5 % од странските туристи.
Во периодот јануари – октомври 2024 година, во однос на истиот период од претходната година, бројот на туристите
е зголемен за 8.8 %. Кај домашните туристи има намалување за 1.0 %, а кај странските зголемување за 14.7.%.
Бројот на ноќевањата, пак, од јануари до октомври, во однос на истиот период лани, е зголемен за 5.5 %, и тоа кај домашните туристи има зголемување за 2.1 %, а кај странските за 9.9.%
