Минатиот викенд играч на Лото 7 во Хрватска ги погоди сите седум бројки и доби награда во износ од вртоглави милион евра.
Таа за Хрватската лотарија изјавила дека отсекогаш знаела дека еден ден ќе добие џекпот и истакна дека Лото 7 е нејзината омилена игра, која повремено ја уплаќа преку интернет како што направила и минатата сабота.
„Околу 4 попладне се сетив дека навистина можам да изиграм една седумка. Мојот внук се роди пред десет дена, па во комбинацијата го вклучив неговиот датум на раѓање – и го освоив џекпотот”- раскажува среќната добитничка. Само неколку часа по уплатата, таа го следела извлекувањето на телевизија и сфатила дека токму нејзините броеви се извлечени.
„Седевме со ќерка ми и ѝ реков, ова се моите броеви, таа помисли дека се шегувам. Ми поверува дека погодив се дури откако добив известување од апликацијата, со напишана освоена сума”- објаснува таа.
Веќе одлучила и на што ќе ги потроши парите.
„Моето внуче е моето најголемо богатство и точно знам што ќе правам со парите. Прво ќе им помогнам на моите деца, а дел ќе издвојам за хуманитарни цели, затоа што треба да им се даде на оние на кои им е најпотребно” – заклучува среќната добитничка, пишува Јутарњи лист.
