Пред израелскиот конзулат во Истанбул утринава избувна пукотница, при што три лица се убиени, меѓу нив и двајцата осомничени кои го започнале нападот, соопшти локалната полиција. Во инцидентот се повредени и двајца полицајци.
„Три лица се неутрализирани, а две од нив се осомничени за престрелката. Во пукотницата се повредени и двајца полицајци“, соопшти Полициската управа во Истанбул, пренесува „Хуриет“.
Според телевизијата НТВ, пукањето се случило во населбата Бешикташ, каде што се наоѓа конзулатот, и траело околу пет минути. Осомничените, наводно, пристигнале облечени во камуфлажни униформи и отвориле оган врз полициските службеници.
На местото на настанот се распоредени бројни полициски екипи, а турските медиуми јавуваат дека областа е обезбедена и истрагата е во тек.
🔴İstanbul Levent’te bulunan İsrail Başkonsolosluğu önünde silahlı çatışma yaşanıyor.
▫️Olay yerinden ilk görüntüler⬇️ pic.twitter.com/9ieKAa0tbw
— Hürgün Gazetesi (@Hurguntr) April 7, 2026
