Европската статистичка агенција (Евростат) објави податоци за бројот на договори на определено време што ги нудат земјите од Европската Унија, како и Европа воопшто.
Како возрасна група за оваа анализа се земени сите граѓани на возраст од 20 до 64 години, а вклучени се и сите привремени работни места на лица со договори на определено време или други форми на договори на ограничено време.
Се покажа дека вкупниот просек во Европската Унија е 10 проценти од договорите на определено време, а трите земји што беа над просекот беа Шпанија, Португалија и Холандија.
Статистиката покажа дека во 2024 година, 13,3 проценти од договорите на определено време се евидентирани во Шпанија, 13,5 проценти во Португалија, а Холандија води со 18,9 проценти од договорите на определено време.
Статистиката ги вклучува и земјите што не се членки на Европската Унија. На Балканот, во однос на договорите на определено време, Северна Македонија води со 15,6 проценти од ваквите договори. Следува Србија со 15,2 проценти, а во Босна и Херцеговина, според статистичките податоци, регистрирани се 9,6 проценти од ваквите договори.
Од друга страна, европските земји со најмал број вакви договори се Латвија со 1,8 проценти, Романија со 1,5 проценти и Литванија на прво место со 1,4 проценти привремени договори.
Општо земено, кога станува збор за вработување, стапката на вработеност во Европската Унија достигна 75,8% во 2024 година, а невработеноста падна на 5,9% – најниско ниво од 2015 година. Просечниот очекуван работен век во ЕУ беше 37,2 години, со просечна работна недела од 36 часа.
