Тренерот на Тотенхем, Роберто Де Зерби, упати замерки на своите фудбалери за прикажаната игра синоќа во ремито 1:1 со Лидс на домашен терен во 36. коло од англиската Премиер лига.
– Игравме без страст, многу брзавме. Судијата исто така беше вознемирен денес. Не знам. Не можам да ги разберам поплаките за вчерашниот ВАР на средбата Вест Хем – Арсенал, бидејќи гостинскиот голман Давид Раја не беше фаулиран 100 проценти, туку 200 проценти, ако сакате да зборувате за фудбал.
Што се однесува до враќањето на Џејмс Медисон по повеќе од една година е одлична вест за нас. Тој е квалитетен и фудбалер и човек и се надевам дека ќе биде клучен за нас. Вчера разговарав со него за неговата физичка состојба и колку минути може да игра. Играше повеќе отколку што ми кажа, рече италијанскиот специјалист на прес-конференцијата по натпреварот.
Тотенхем со 38 боа од 36 натпревари е 17. на табелата во англиската Премиер лига.
Во Зоната на испаѓање, веднаш по Тотенхем е Вест Хем со 36 бода, додека од неодамна шансите за опстанок ги загубија Барнли и Вулверхемптон.
