Се развеаја знамињата, ечи македонска песна. Коњаниците пристигнаа во скопско Ѓорче Петров.
Започна маршот на здружената Коњаница „Бигорски Манастир Патот на Црешовото Топче“.
Традиционалниот хепенинг ќе се оддржи во паркот во Ѓорче Петров во 18:30 часот, каде со пригодни обраќања за подршка на современите Илинденци ќе настапат организаторите, пратеници и градоначалници.
Предвидена е и соодветна музичка програма и настап на македонски фолклорни друштва, пејачи и ди-џеи.
Маршот на коњаницата се одвива традиционално по 16-ти пат, прв пат се одржа 2010 година како иницијатива на група граѓани ентузијасти и поддржувачи на револуционерното минато.
Здружената Коњаница „Бигорски Манастир Патот на Црешовото Топче“ ја сочинуваат коњаници од Гостиварско, Скопје, „Илинден“ с. Радово-Струмица, „Костурска чета“ – Битола, коњаници од Крушево, Демир Хисар, Кавадарци, Кичево и Штип.
2025 година по 16-ти пат коњаниците тргаат за Крушево, светилникот на македонскиот непокор, каде на 2 август 2025 година во рамките на свечeностите на Мечкин Камен по повод „10 дена Крушевска Република“, ќе оддадат должна почит на македонските херои паднати за слободата на Македонија.
