Сопственикот на социјалната мрежа Телеграм, Павел Дуров, може повторно да патува, по судската одлука за укинување на неговиот надзор и забраната за напуштање на Франција, објави денеска Политико.
Основачот на Телеграм беше уапсен во Франција во август 2024 година и обвинет за неколку кривични дела од организиран криминал.
Обвинителите го обвинуваат Дуров и неговата мрежа Телеграм дека одбиваат да соработуваат со властите во борбата против нелегалната содржина, вклучително и детската порнографија.
По неговото апсење на аеродромот Ла Бурже во Франција, судот го стави под строг надзор и му забрани да ја напушти Франција.
Дуров беше испрашуван три пати за време на истрагата, последно на крајот на јули, а неговите адвокати упорно ја оспоруваа легалноста на истрагата и бројните дејствија спроведени „со кршење на француското и европското право“.
Мерките за строг надзор беа ублажени неколку пати, така што забраните сега ќе бидат целосно укинати, објави Блумберг, додека „Политико“ не доби потврда за оваа информација од обвинителството и адвокатите на одбраната.
