Познатата пејачка и актерка Аријана Гранде се најде во застрашувачка ситуација за време на премиерата на филмот „Wicked: For Good“, која се одржа денес, на 13 ноември, во Сингапур.
Додека ѕвездата одеше по жолтиот тепих, среде настанот, непознат маж скокна преку бариерата и физички ја нападна.
Инцидентот се случил на влезот во студиото. На видеата што се проширија на интернет, може да се види како мажот ненадејно се приближува кон Аријана Гранде, ја фаќа за рака и ги притиска градите кон неа додека таа се обидува да се оддалечи.
Обезбедувањето реагираше брзо, но моментална помош пристигна и од колешката и пријателка Синтија Ериво.
Синтија Ериво веднаш го забележала моментот кога мажот скокнал кон Гранде. Инстинктивно, таа скокнала меѓу нив и со извици се обидела да го блокира нападот.
По нападот, Аријана Гранде беше поддржана и од другата колешка, Мишел Јео, која била видно потресена. Самата Гранде, иако продолжила со настанот, кратко коментирала дека е „добро“, но „потресена“.
Напаѓачот е идентификуван како Џонсон Вен, кој е попознат како „Човекот со пижами“. Тој веќе бил мета на критики поради слични инциденти со други познати личности.
Инцидентот повторно го отвори прашањето за безбедноста на јавните личности, особено имајќи предвид дека Аријана Гранде претходно зборуваше за своите борби со анксиозност и посттрауматски стрес по терористичкиот напад во Манчестер во 2017 година.
#ViralZONA3 | 😳 Ariana Grande vive un momento de tensión en el estreno de “Wicked: For Good” y Cynthia Erivo reaccionó de inmediato🎭
Un fan burló la seguridad, corrió hacia la cantante, causando susto entre el elenco. pic.twitter.com/bpcUbWYPGL
— ZONA 3 (@zona3noticias) November 13, 2025
