Соединетите Американски Држави ќе престанат да посредуваат во мировните преговори меѓу Русија и Украина во наредните денови доколку нема јасни сигнали дека може да се постигне мировен договор, изјави денес американскиот државен секретар Марко Рубио.
Тој посочи дека американскиот претседател Доналд Трамп е сè уште заинтересиран за постигнување договор, но дека е подготвен да се справи со „други светски проблеми“ ако тоа не биде можно.
„Треба да утврдиме дали е можно да се стави крај на војната во Украина, а ако тоа не е можно, претседателот веројатно ќе каже дека е завршено“, рече Рубио на прес-конференција во Париз.
Тој ја оцени вчерашната средба со претставници на Украина, Франција, Велика Британија и Германија како позитивна, пренесува Танјуг.
