Во еден драматичен натпревар екипите на Алкакоид и Вардар 1961 одиграа реми 26:26 во рамките на плеј-офот од македонската ракометна Суперлига. После првото полувреме исто така беше нерешено во салата Автокоманда во Скопје (12:12).
Најефикасен играч во домашниот тим беше Мартинд Серафимов со осум голови, три повеќе од Мартин Ивановски. На спротивната страна Вуко Борозан постигна седум погодоци, а шест беа дело на Милан Лазаревски.
На табелата води Вардар со 13 бодови, колку што има и второпласираниот Еурофарм Пелистер, а на третата позиција е Алкалоид со девет. Во следното коло Вардар на 25 мај ќе го пречека Бутел, додека Алкалоид истиот ден ќе оди кај Тиквеш.
