Директорот на Дирекцијата за заштита и спасување, Стојанче Ангелов, во изјава за Канал 5 изрази сомнеж дека серијата пожари што ја зафатија државата е дел од хибриден напад.
„Според моето полициско и безбедносно искуство, невозможно е во толку краток период да настанат вакви пожари кои предизвикуваат сериозно загадување на воздухот, што потоа може да се искористи за политичко влијание,“ изјави Ангелов.
Тој појасни дека разговарал и со сопственикот на компанијата каде што избувна пожар, кој нагласил дека електронскиот отпад е многу тежок за палење и не може сам да се самозапали. „Повеќе од 15 години постои ова складиште и досега немало никаков проблем. Но тоа е само мој сомнеж,“ додаде Ангелов.
Тој увери дека безбедносните служби агилно работат на расчистување на случајот.
