Трајан Димковски, по насока на поранешното раководство на СДСМ, извршил отпис на 2.000 тони јачмен и пченица, со што го оштетил државниот буџет за близу 800.000 евра, обвини денеска портпаролката на ВМРО-ДПМНЕ, Викторија Андоновска.
Според партијата, наместо опозициската СДСМ да се огради од ваквото девијантно однесување, тие очајнички ги бранат криминалците во своите редови. ВМРО-ДПМНЕ тврди дека за Зоран Заев, Венко Филипче и Љупчо Николовски, приватниот интерес секогаш бил пред државниот, дури и во услови на глобална криза.
Андоновска јавно праша дали отпишаните продукти од стоковите резерви завршиле на црниот пазар.
„Јавноста мора да знае, дали отпишале 2.000 тони јачмен и пченица од стоковите резерви, па преку Димковски овие продукти завршувале на црн пазар во соседна држава? Дали исто така, Димковски ќе одговара за сите овие тројца кои се прв ешалон на тогашната власт? Затоа ли Николовски е толку гласен деновиве? Дали во СДС има страв дека се одмотува клопчето и ќе се дознае вистината?“, изјави Андоновска.
