Во пресрет на денешниот протест за поддршка на поранешните команданти на косовската УЧК (Ослободителна војска на Косово – ОВК), се огласи со критики лидерот на партијата Достоинство и бранител од конфликтот во 2001 година, Стојанче Ангелов.
Тој порача дека сите припадници на УЧК кои извршиле воени злосторства треба да одговараат во согласност со меѓународното право, вклучително и оние припадници на македонската УЧК (Ослободителна народна армија – ОНА) кои во 2001 година извршија воени злосторства во Македонија, додаде Ангелов на „Фејсбук“.
