Во гостување на ТВ24 градоначалничката на Град Скопје, Данела Арсовска, јавно кажа дека имала сериозни закани по нејзиниот живот.
– Мене ќе ме утепаат, може ќе живеам шест дена може уште шест месеци, не знам, рече таа.
– Градоначалник на главен град да пријавува криминал и наместо да постапат органите на прогонот, тие да ги заштитуваат криминалците и да ги гонат пријавителите, можам слободно да констатирам дека не заслужуваме држава, порача Арсовска.
Арсовска во последните недели влезе во директен конфликт со градоначалникот на Чаир, Висар Ганиу кого го обвинува за криминал и легализации на дивоградби.
