Белата куќа на својата официјална веб-страница објави поддршка за теоријата дека коронавирусната болес ковид-19 потекнува од лабораторија.
На страницата, која потсетува на филмски плакат, се наоѓа големиот наслов „Lab Leak“. Помеѓу двата збора е фигурата на американскиот претседател Доналд Трамп. Под насловот пишува: „Вистинското потекло на ковид-19“.
Страницата ги обвинува медиумите, политичарите, здравствените власти и американскиот имунолог Ентони Фаучи за ширење на теоријата дека вирусот настанал природно.
Веб-страницата, исто така, тврди дека има многу докази дека вирусот потекнува од лабораторија во кинеската метропола Вухан.
Повеќе од пет години по избувнувањето на пандемијата на коронавирус, сè уште не е јасно дали вирусот преминал од животните на луѓето или дали потекнува од кинеска лабораторија, иако речиси сите извештаи на американското и разузнавањето на другите западни земји наведуваат дека постојат показатели дека вирусот „протекло“ од лабораторијата.
Веб-страницата, исто така, критикува некои од главните правила на периодот на пандемијата, како што се социјалното дистанцирање, носењето маски и целосно затворање, што ги нарекува погрешни.
Еден од првите потези на новиот директор на американската Централна разузнавачка агенција (CIA), Џон Ретклиф, беше да го смени мислењето на неговата агенција за потеклото на коронавирусот во јануари со ставот дека најверојатно станува збор за лабораториска несреќа. CIA проценува дека појавата на пандемијата na ковид-19 е поверојатно поврзана со истражување отколку да е од природно потекло.
На почетокот на декември, поткомитетот на Претставничкиот дом на САД веќе презентираше извештај во кој се поддржува лабораториската теорија.
Лотар Вилер, поранешен претседател на германскиот институт Роберт Кох (RKI), кој ги следи болестите и јавното здравје во Германија.исто така, ја смета теоријата за лабораториско потекло на вирусот поверојатна, изјави неодамна тој за неделното издание на германскиот весник Frankfurter Allgemeine Zeitung.
