Поранешната американска државна секретарка Хилари Клинтон, на денешното сослушување во Конгресот, изјави дека не знаела за злосторствата на Џефри Епстин и Гилејн Максвел.
– Немав поим за нивните криминални активности. Не се сеќавам дека некогаш сум го сретнала господинот Епстин, наведе Хилари Клинтон во воведниот говор, што го сподели на социјалните мрежи.
Таа и претходно изјави дека нејзиниот сопруг, поранешниот американски претседател Бил Клинтон патувал со Епстин на добротворни настани, а таа не се сеќава дека некогаш се сретнала со покојниот, осуден сексуален престапник. Хилари призна дека била во контакт со поранешната девојка и блиска соработничка на Епстин, Максвел, која присуствуваше на свадбата на нивната ќерка Челси Клинтон во 2010 година.
За утре е закажано сослушувањето на Бил Клинтон. Првпат поранешен претседател ќе сведочи пред Конгресот.
Хилари и Бил Клинтон првично одбија да сведочат, но подоцна попуштија откако пратениците се обидоа да ги обвинат за непочитување на Конгресот.
