Британскиот јавен сервис Би-Би-Си објави дека планира да намали до 2.000 работни места со цел да го намали својот годишен буџет за 10 проценти, или за 500 милиони фунти (620 милиони евра), во текот на следните две години.
Отпуштањата, објавени за време на состанокот со вработените, се најголемите за повеќе од една деценија во оваа национална медиумска куќа на Велика Британија, пренесува АП.
„Знам дека ова предизвикува вистинска неизвесност, но сакавме да бидеме отворени за предизвиците“, изјави в.д. извршниот директор Родри Талфан Дејвис во е-пошта до вработените.
