Бугарија денеска официјално го презеде во оперативна служба својот прв повеќенаменски борбен авион F-16 Block 70, јавува Anadolu Agency.
Церемонијата се одржа во воздухопловната база Трета Граф Игнатиево.
На настанот присуствуваа бугарскиот министер за одбрана Атанас Запрјанов, началникот на Генералштабот, адмирал Емил Ефтимов, заменик-помошникот на секретарот за одбрана за НАТО и европски прашања Дејвид Бејкер, вршителот на должноста амбасадор на САД во Бугарија Сузан Фалатко и извршниот директор на Локхид Мартин Мајкл Шумејкер.
Ова е еден од двата авиони што САД ѝ ги доставија на Бугарија како дел од поширокиот договор за одбрана. Ќе бидат испорачани вкупно 16 F-16 Block 70, според двата договори потпишани во 2019 и 2022 година.
Ги заменуваат советските МИГ
Моделот F-16 Block 70 е опремен со напреден радар, автоматски систем за избегнување судир на земја (Auto GCAS) и подобрен дисплеј во кокпитот. Опремата овозможува ефективно извршување на мисиите воздух-воздух и воздух-земја, а влегувањето во флотата дополнително ја приближува Бугарија до стандардите на НАТО.
Министерот Запрјанов изјави дека третиот Ф-16 е веќе завршен, но останува во фабриката на Локхид Мартин во САД додека бугарските пилоти не ја завршат обуката.
Bulgaria welcomes its first F-16 Block 70—not just a fighter jet, but a symbol of irreversible ideological change. This milestone reflects our strategic partnership with the United States and our unwavering commitment to the Euro-Atlantic path and armed forces modernization. pic.twitter.com/awmdQ6OfKB
— Rossen Jeliazkov (@R_ZhelyazkovPM) April 13, 2025Новите борбени авиони F-16 Viper постепено ги заменуваат старите советски авиони MiG-29 Fulcrum, кои досега го сочинуваа најголемиот дел од борбената авијација на Бугарија.
Нарачаа 16 авиони
Во моментов се во изградба уште пет авиони, а сите осум од првиот договор од 2019 година треба да бидат испорачани до крајот на 2025 година. Вториот договор од 2022 година опфаќа дополнителни осум F-16, кои се очекува да бидат испорачани до крајот на 2027 година.
Ф-16 Блок 70 припаѓа на четвртата генерација на повеќенаменски борбени авиони, додека бугарските МиГ-29 и Су-25 веќе се оценети како застарени и ограничени во нивните борбени способности.
