По фудбалската победа на Албанија над Србија со резултат 1-0 во Лесковац, синоќа беа забележани масовни прославувања од албанската заедница во Македонија и во дијаспората ширум светот.
Во текот на вечерта, дојде до блокади на улици во неколку градови во земјата, вклучувајќи ги Скопје, Куманово и Тетово. Граѓаните излегоа на улиците за да ја прослават победата на репрезентацијата.
Според извештаите, за време на прославите можеа да се забележат спорни симболи, вклучувајќи знамиња и обележја на УЧК, како и националистички пароли и извикувања.
Локалните власти засега не објавија официјален коментар за инцидентите, ниту информации за евентуални прекршоци или интервенции на полицијата.
