Граѓани на Скопје се жалат дека не можат да добијат изводи на македонски јазик од матичната книга бидејќи формулари за тоа нема. Обрасци на македонски јазик за изводи и за венчаници нема повеќе од една недела, дознава ТВ24.
Решението е или да извадат двојазични, за тие кои не се родум од Скопје да се упатат во родниот крај или да ја чекаат набавката која е во тек.
Според информации на ТВ 24, причината за недостиг на обрасците е тендерот кој сеуште е во тек поради жалбена постапка.
Директорот на Управата за водење матични книги, Фатон Фазлиу, за ТВ 24 вели дека обрасци има а доколку нема, се повлекуваат од магацини.
Гарантира дека до крајот на годината тие кои ги имаат на залиха ќе бидат доволни.
Фазлиу тврди дека најмногу за две недели набавката на нови формулари ќе биде завршена и во јануари граѓаните нема да ги „фатат“ неподготвени со недостаток на формулари.
