Во заедничка акција на шпанската и италијанската полиција уапсен е шефот на криминалната организација Ндрангета, Доменико Павиљанити, познат и како „Дон Мико“.
Тој е приведен вчера во Сорија, околу 200 километри североисточно од Мадрид. По Павиљанити е издадена европска потерница уште во 2022 година.
Тој во Италија е обвинет за бројни кривични дела, меѓу кои насилни злосторства, трговија со дрога и перење пари. Павиљанити се соочува со казна затвор до 19 години.
Се очекува наредните денови да почне процедурата за екстрадиција во Италија за да може таму да ја отслужи казната, соопшти Обвинителството во Калабрија, каде е седиштето на Ндрангета.
„Дон Мико“ (65) е еден од најбараните италијански бегалци, кој повеќе пати бил уапсен во Шпанија.
Agentes de @policia han detenido en #Soria a D.P., presunto líder de uno de los clanes de la #Ndrangheta, en virtud de una #OEDE por delitos contra las personas, tráfico de drogas y blanqueo de capitales
Se enfrenta a 19 años de #prisión
Ha colaborado la Guardia di Finanza de… pic.twitter.com/fXffoR1tLt
— Policía Nacional (@policia) June 28, 2026
Тој првпат во Шпанија е уапсен во 1996 година, а три години подоцна е екстрадиран во Италија, каде беше осуден на 20 години затвор, но беше ослободен пред време поради грешка во пресметувањето на неговата казна. Павиљанити повторно е приведен во Мадрид во 2021 година и подоцна е ослободен откако му истече казната.
Тој во Сори, град до околу 40.000 жители, водел мирен живот.
Ндрангета е една од најмоќните мафијашки организации во светот и беше во центарот на судирите помеѓу клановите во 80-тите и во 90-ти години од 20 век, при што загинаа околу 700 луѓе.
