Среде трагедијата предизвикана од разорните земјотреси во Венецуела, спасувачките екипи успеаја да извлечат жива мајка и нејзиното 18-дневно бебе од урнатините на зграда во Ла Гваира.
Мајката и новороденчето биле пронајдени 32 часа по силните потреси што минатата недела ја погодија земјата. По спасувањето, тие биле пренесени во болница во Каракас, каде што им била укажана лекарска помош.
Според лекарските информации, и мајката и бебето се во стабилна состојба.
#Internacional || 🇻🇪 En medio de la tragedia, también hay esperanza
Un bebé de apenas 18 días de nacido fue rescatado con vida en Playa Grande, La Guaira, tras el devastador terremoto que sacudió Venezuela. #CBTelevisión pic.twitter.com/w2QFCEcw6I
— CB Televisión (@cb_television) June 27, 2026
Во текот на викендот, спасувачките тимови успеале да спасат најмалку 33 лица, но десетици илјади луѓе сè уште се водат како исчезнати.
Венецуела беше погодена од два силни земјотреси со јачина од 7,2 и 7,5 степени според Рихтеровата скала, кои се случија во ноќта меѓу средата и четвртокот.
Експертите предупредуваат дека по истекот на 72 часа од земјотресот, шансите за пронаоѓање преживеани под урнатините значително се намалуваат.
Според Обединетите нации, речиси 1.500 објекти се оштетени, а повеќе од 3.100 семејства се раселени. Земјотресите погодиле најмалку седум федерални држави, а досега се регистрирани повеќе од 430 последователни потреси.
Спасувачите извлекоа татко и син од урнатините четири дена по земјотресот во Венецуела
Татко и син се спасени од урнатините на срушена зграда во венецуелската држава Ла Гваира, четири дена откако разорните земјотреси ја погодија земјата. Двајца мажи, видливо исцрпени и со заштитни маски на лицата, беа изнесени на импровизирани носилки, објави Ројтерс.
Ла Гваира е најтешко погодената област по земјотресите во средата, во кои загинаа најмалку 1.450 луѓе, додека илјадници сè уште се водат како исчезнати.
Спасувањето на таткото и синот следеше по 12-часовна сложена операција за време на која тимовите користеа специјализирани камери за пребарување.
