Дури и шефовите на држави стануваат жртви на метежот во Њујорк – францускиот претседател Емануел Макрон синоќа беше запрен од полицаец кој не му дозволи да ја премине улицата бидејќи минувал кордoнот на неговиот американски колега Доналд Трамп.
За разлика од повеќето, кои би се почувствувале непријатно, Макрон му се јави директно на Трамп за да се пошегува со ситуацијата, што може да се види и во видеоснимка објавена на социјалните мрежи.
New York police stopped French President Macron’s motorcade because the road was closed for Trump.
Macron got out, called Trump, and jokingly asked him to “clear the road.” pic.twitter.com/7ZtstXmtKj
— Clash Report (@clashreport) September 23, 2025Францускиот претседател им објаснил на полицајците дека пеш се упатил кон дипломатската мисија на Франција во Њујорк по својот говор на Генералното собрание на ОН, на кое соопшти дека Франција официјално ја признава Државата Палестина.
- Жалам, господине Претседател, навистина жалам, рекол збунетиот полицаец, извинувајќи се што улицата е блокирана поради конвојот.
Принуден да почека, Макрон потоа му се јавил на Трамп. – Замисли, чекам на улица бидејќи се е блокирано поради тебе, му рекол, додавајќи дека сака кратко да разговара со него и со Катар за состојбата во Газа.
Според француски дипломатски извор, разговорот бил топол и пријателски, а двајцата претседатели допреле неколку меѓународни теми. Неколку минути подоцна, улиците биле отворени и Макрон продолжил по патот.
