Истражувачката репортерска лабораторија направи видео сторијата за пожарот во Кочани, во која откриваат необјавени документи, досега необјавени снимки, но и сведоштва на лица кои го преживеале пожарот.
Во филмот се прикажани пораки меѓу инспектори од Државниот пазарен инспекторат, од полицијата и од УЈП со синот на газдата Дејан Јованов-Деко, Михајло, кои на ИРЛ ѝ ги доставил „свиркач“. Од нив, според ИРЛ, меѓу другото се гледа дека Јованов ги потмитувал инспекторите со подароци, а тие му јавувале пред да дојдат во инспекција во „Пулс“. Полициски инспектори, пак, како што се гледа од пораките, биле редовни гости во „дискотеката“ која работела целосно надвор од законските прописи.
Последната преписка со вработениот во УЈП била на денот на несреќата, но таа била избришана, а се водела со локален инспектор од УЈП и брат на в.д. претседателката на скопскиот Кривичен суд, Даниела Димовска.
Иако единаесетта на листа по бодови Даниела Димовска на 3 јули беше избрана за в.д претседател на Кривичниот суд во Скопје. Петнаесет дена подоцна на 18 јули Кривичниот суд го доби предметот за дискотеката Пулс.
Во обвинението недостасуваат инспекторите од УЈП кои газдата на клубот Деко ги подмитувал, а еден од нив е брат на претседателката на Кривичниот суд , Даниела Димовска.
