Никола Јокиќ одигра натпревар каков што досега не забележан историјата на НБА лигата. Денвер Нагетс во неверојатен меч го совлада Феникс Санс со 149:141, по продолжението откако надополнија негатива од 21 поен.
Јокиќ постигна 31 поен (13/22 од поле) со 22 асистенции и 21 скок.
Србинот стана првиот играч во историјата на НБА кој постигнал најмалку 30 поени, 20 скока и 20 асистенции.
Погоди 10/15 за два поени, 3/7 за три и 2/3 од линијата за слободни фрлања.
Тој успеа да постигне трипл-дабл за само 20:38 поминати на теренот, што е деветти најбрз трипл-дабл учинок во историјата на НБА.
Јокиќ е сопственик и на најбрзиот трипл-дабл историјата, 14 минути и 33 секунди.
Ова е 29-ти трипл-дабл сезонава за Јокиќ (149-ти во кариерата), со што го изедначи неговиот најдобар учинок во сезоната забележан пред две години.
„Да ви кажам луѓе, мислам дека еден ден ќе се навратам на ова и ќе го гледам како некакво наследство што ќе остане таму кога ќе ја завршам кариерата. Сега кога имам натпревари секој втор ден, гледам само како да се одморам и закрепнам“, додаде Јокиќ.
За Денвер, Арон Гордон постигна 27 поени со седум тројки и го изедначи рекордот во кариерата, а Кристијан Браун го заврши натпреварот со 25 поени.
Во тимот на Феникс најдобри играчи беа Девин Букер со 34 и Кевин Дурент со 29 поени.
