Бројот на жртви по силниот земјотрес што го погоди јужниот дел на Филипините се зголеми на најмалку 16 лица, а повеќе од 200 се повредени, според последните извештаи на меѓународните агенции. Спасувачките екипи и понатаму пребаруваат оштетени објекти, додека властите предупредуваат дека конечниот биланс може да се промени.
Земјотресот, со магнитуда од 7,8 според Геолошкиот завод на САД, го погоди подрачјето во близина на островот Минданао, недалеку од градот Генерал Сантос. Ударот предизвика уривање на објекти, оштетувања на инфраструктурата, прекини во снабдувањето со електрична енергија и паника меѓу населението.
WATCH: Building collapses after magnitude 7.8 earthquake strikes the Philippines pic.twitter.com/8Q9XFK6Gf8
— BNO News Live (@BNODesk) June 8, 2026
Во Генерал Сантос, голем пристанишен град со повеќе од 700.000 жители, пријавени се оштетувања на јавни и деловни објекти, а дел од луѓето биле повредени од паднати делови од згради. Според AP, жртви има и поради уривање на џамија и свлечиште во погодените провинции.
Земјотресот се случил на денот кога започнувала новата учебна година, па на социјалните мрежи се појавија снимки од ученици кои во паника се евакуираат на отворено. Дел од училишни објекти биле оштетени, а властите наредиле прекин на наставата во погодените области.
Earthquake in General Santos City, The Philippines on June 8, 2026 pic.twitter.com/ye8LHYwVzB
— Noypi (@noypistuff) June 8, 2026
По ударот беше издадено предупредување за цунами, а на делови од брегот на Минданао биле регистрирани помали бранови. AP јави дека највисокиот регистриран бран достигнал околу 1,4 метри, по што предупредувањето било укинато. Помали цунами бранови биле регистрирани и во поширокиот регион, вклучително и во Индонезија, Палау и Јапонија.
Филипинскиот претседател Фердинанд Маркос Јуниор нареди мобилизација на надлежните служби, отворање евакуациски центри и итна помош за погодените заедници. Властите ги повикаа жителите да избегнуваат оштетени објекти поради опасност од нови уривања и последователни потреси.
A 7.8-magnitude earthquake today, June 8, 2026, caused multiple building collapses and extensive damage in General Santos, Mindanao, Philippines. pic.twitter.com/ortl6Myp5L
— Weather Monitor (@WeatherMonitors) June 8, 2026
Земјотресот предизвика и проблеми во воздушниот сообраќај. Според AP, аеродромот во Генерал Сантос бил затворен, а 17 летови биле откажани поради процена на штетите и безбедносни проверки.
🚨#ÚLTIMAHORA Así se sintió el #temblor en Mindanao Terremoto de magnitud 7.8 Polomolok, Cotabato Sur, Filipinas · #temblor #Tu #earthquake,#joshtve #Earthquakephilipines #joshtve #temblor video 1 pic.twitter.com/WRrWPNRcDq
— Joshtve_ (@Joshtve_) June 8, 2026
Филипините се наоѓаат на таканаречениот Пацифички огнен прстен, зона позната по чести земјотреси и вулканска активност. Токму затоа властите предупредуваат дека опасноста не завршува со првиот удар, бидејќи по силни земјотреси често следуваат дополнителни потреси.
