Од ВМРО-ДПМНЕ реагираат ека Јавното обвинителство (ЈО) со денови молчи и не презема никакви дејствија во однос на изнесените сомнежи за криминал и милионските суми кои завршиле во бугарски фирми на кланот Заеви и Венко Филипче.
Молк од СДС и Филипче за Аудито Q8 кое го добил од фирмата Зобек мининг груп која пак добила тендер за набавка на јаглен за ЕСМ.
Молк и од ЈО за поклонот од 130.000 евра за Филипче.
Ниту еден субјект, правно или физичко лице, не дава поклон од 130.000 евра, на лице со кое нема роднинска поврзаност. А кога лице кое нема роднинска поврзаност со друго лице, добива поклон од 130.000 евра, сосема јасно е дека станува збор или за затајување данок, или за перење пари или за тргување со влијание“, велат од ВМРО-ДПМНЕ.
Оттаму додаваат дека кога има случај за поклон од 130.000 евра, а се работи за политичар, пратеник и лидер на опозиција, сосема е јасно дека станува збор за нешто скриено
Од ВМРО-ДПМНЕ посочуваат дека ЈО води постапка за ист ваков случај за Пеце Мирчевски, директор на СОЗР во време на СДСМ.
Мирчевски се товари дека добил два автомобила од фирма која добивала тендери. Мирчевски е обвинет за несовесно работење во службата од член 353-в став 3 во врска со ставовите 2 и 1 од Кривичниот законик.
Зошто ЈО молчи за Филипче, дали затоа што е претседател на СДС па Филипче има повластен третман?
Која е причината што ЈО молчи за идентичен случај и има различен третман во однос на поклонот на Мирчевски и поклонот Ауди на Филипче?
Со што Филипче ги уценува ЈО за да не постапуваат?
ЈО да отвори постапка, во спротивно премногу јасно и очигледно е дека работат во интерес исклучиво на Филипче и СДС“, се вели во реакцијата на ВМРО-ДПМНЕ.
