Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Во Дубаи има 52 регистрирани компании од Македонија
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЕКОНОМИЈА > Во Дубаи има 52 регистрирани компании од Македонија
ЕКОНОМИЈА

Во Дубаи има 52 регистрирани компании од Македонија

Објавено April 15, 2025 18:54
Сподели
Сподели

Стопанската комора на Дубаи денеска беше домаќин на делегацијата од Македонија предводена од премиерот Христијан Мицкоски. Делегацијата на домаќинот беше предводена од претседателот на Коморите на Дубаи, Султан бин Саид ал Мансури. Двете страни разговараа за начините за унапредување на билатералните економски односи и ја потврдија нивната посветеност за зајакнување на соработката за зајакнување на меѓусебната трговија и инвестиции. Коморите на Дубаи е заеднички ентитет составен од три комори: за трговија, за дигиталниот свет и меѓународна комора.

Според соопштението на прес-службата на владата на Дубаи, трговијата без нафта меѓу Дубаи и Северна Македонија достигна вредност од 52,2 милиони долари во текот на 2024 година.

Во разговорите беше истакнато и зголеменото присуство на македонски компании во Дубаи. До крајот на 2024 година, бројот на македонски компании регистрирани како активни членки на Коморите на Дубаи достигна 47, што одразува годишна стапка на раст од 52 отсто. Дополнителни пет компании од Северна Македонија се приклучија на Коморите во првиот квартал од 2025 година, со што вкупниот број се искачи на 52, велат од прес-службата на Дубаи.

Ал Мансури изјавил: „Оваа посета означува важен чекор напред во нашата заедничка амбиција да ја подобриме економската соработка и да отвориме нови можности за деловните заедници на двата пазари. Посветени сме да го поддржиме успехот на македонските компании и да им овозможиме да се прошират на глобалните пазари користејќи ја стратешката локација на Дубаи, инфраструктурата од светска класа и опкружувањето поволно за инвестиции“.

Според него, разговорите што се воделе ги истражувалеа инвестициските перспективи за бизнисите од приватниот сектор со седиште во Дубаи. Ова ќе им овозможи на компаниите од Дубаи да капитализираат од ветувачките можности во различни економски сектори, истовремено служејќи им на заедничките интереси на деловните заедници и во Дубаи и во Северна Македонија.

Дискусиите, според соопштението, се фокусирале на зголемување на билатералната трговија и инвестиции меѓу Дубаи и Северна Македонија, со посебен акцент на клучниот македонски извоз во Дубаи, вклучувајќи електроника, облека, возила, машини и овошје и зеленчук. Главниот извоз на Дубаи во Северна Македонија вклучува електроника, медицински инструменти, играчки и спортска опрема, вештачки влакна и парфеми и козметика.

Македонската делегација беше и во Трговската и индустриската комора на Емиратот Шарџа, каде беше примена од претседателот на комората Абдалах Султан ал Овеис. За време на средбата, двете страни ја истакнале важноста од зајакнување на меѓусебните комуникациски канали за унапредување на соработката во областа на обновливите извори на енергија, трговијата и туризмот.

Македонската делегација во Трговската и индустриската комора на Емиратот Шарџа
Според соопштението од Комората, султанот ал Оваис средбата претставува важна можност за зајакнување на соработката и споделување ставови и перспективи за унапредување на економските и трговските односи меѓу двете земји. Тој го истакнал ветувачкиот потенцијал и можностите што ги поседуваат двете страни, кои значително би можеле да ја поттикнат билатералната трговија низ различни сектори и да ги подигнат комерцијалните врски на пошироки хоризонти.

Мицкоски нагласил дека ОАЕ општо, а особено Шарџа, претставуваат еден од клучните стратешки пазари за Северна Македонија како порта кон регионалните пазари.

За време на посетата, македонската делегација одржала презентации кои ги истакнаа клучните инвестициски можности на нашата земја. Презентациите опфатиле витални сектори како што се обновливите извори на енергија, производството, инфраструктурата, туризмот, земјоделството и технологијата. На маргините на посетата Мицкоски разговарали со истакнати локални компании и раководители на бизнис групи и совети во Шарџа.

За време на вчерашната посета на Абу Даби, премиерот Мицкоски и претседателот на Обединетите Арапски Емирати, владетелот на Абу Даби, шеикот Мохамед бин Заед ал Нахјан, разговарале и за повеќе регионални и меѓународни прашања од заеднички интерес. Шеикот ал Нахјан, според извештајот на Новинската агенција на емиратите (ВАМ), ја потврдил посветеноста на ОАЕ за зајакнување на нивните развојни партнерства со земјите од Балканот и за поддршка на сите напори кои промовираат мир и стабилност во регионот. Тој го истакнал долгогодишниот пристап на ОАЕ за застапување мир и решавање на споровите преку дијалог и дипломатија, како поддршка на развојот, стабилноста и просперитетот за сите. Премиерот Мицкоски изразил надеж дека во наредниот период ќе биде зголемена соработката меѓу двете земји за доброто на нивните народи.

За време на средбата биле објавени два меморандуми за разбирање – првиот се однесува на економската соработка меѓу двете земји, а вториот меѓу Дипломатската академија „Анвар Гаргаш“ и Министерството за надворешни работи на Северна Македонија.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Посебен сообраќаен режим утре околу Градски, играат Вардар и Црвена Звезда
Следна Статија Коцевски: Издадена е наредба за приведување на уште седум полициски службеници, истрагата се проширува

БИ МОЖЕЛО ДА ВЕ ИНТЕРЕСИРА

ЕКОНОМИЈА

Пазарните инспектори се на терен и ги проверуваат цените во маркетите

Ограничување на маржите и цените на прехранбените производи, кои не се дел од Новогодишната кошничка, најавува Владата доколку трговците не…

December 26, 2024
ЕКОНОМИЈА

Николоски: Автопатот Скопје-Блаце е целосно промашување, паралелно се градат две делници

„Утрово кога одев со колеги им објаснував за какво промашување на проектот автопатот Скопје-Блаце се работи. Целосно промашување на проект.…

November 18, 2024
ЕКОНОМИЈА

Да не се крева паника: Се користат и старите и новите банконоти од 50 евра

Последниве неколку дена се појави информација дека истекува важноста на банкнотите од 50 евра, издадени пред 2017, наводно со цел…

April 30, 2025
ЕКОНОМИЈА

Средба на гувернерката Ангеловска-Бежоска со Марникс ван Рај, висок претставник на ММФ: Политиките на централната банка имаат голем придонес за макроекономската стабилност

Гувернерката Анита Ангеловска-Бежоска оствари средба со Марникс ван Рај, заменик извршниот директор во Меѓународниот монетарен фонд (ММФ), кој е во…

February 25, 2025
Trending

Technology

  • Innovate
  • Gadget
  • PC hardware
  • Review
  • Software

Health

  • Medicine
  • Children
  • Coronavirus
  • Nutrition
  • Disease

Culture

  • Stars
  • Screen
  • Culture
  • Media
  • Videos

More

  • ХОРОСКОП
  • СВЕТ
  • ЗДРАВЈЕ
contact@trending.mk

© Trending.mk  |  All Rights Reserved.

Welcome Back!

Sign in to your account

Username or Email Address
Password

Lost your password?