„Артемис 2“ ја напушта Земјината орбита и се упатува кон другата страна на Месечината
Мисијата „Артемис 2“ е првиот чекор во американската лунарна програма чија цел е да човечки екипаж да слета на површината на Месечината во 2028 година, како дел од планираната мисија „Артемис 4“.
Вселенското летало ќе ги однесе астронаутите приближно 406.000 километри од Земјата, што се очекува да биде најдалечното човечко патување досега.
Претходниот рекорд – 330.000 километри – го држеше екипажот на „Аполо 13“ во 1970 година.
Четирите астронаути на мисијата „Артемис 2“ ја напуштија Земјината орбита откако нивното вселенско летало „Орион“ го запали својот главен мотор за последен поход кон Месечината.
Петте минути и 55 секунди од работата на моторот, познато како транслунарна инјекција (TLI), поминаа „беспрекорно“, рече Лори Глејз од Американската вселенска агенција (НАСА).
„Воодушевена сум што објавувам дека луѓето ја напуштија Земјината орбита за прв пат од „Аполо 17“ во 1972 година“, додаде таа.
Во пренос во живо од вселенското летало, Џереми Хансен го сподели возбудувањето.
„Човештвото уште еднаш покажа за што се способни луѓето“, рече Хансен, првиот неамериканец што леташе на Месечината.
„Артемис 2“ сега е на кружна патека што ќе го однесе екипажот до другата страна на Месечината и назад.
Се очекува патувањето околу Месечината да трае приближно 10 дена.
